I dette undervisningsopplegget ynskjer vi å gje elevane auka forståing for korleis folk levde i det gamle bondesamfunnet der dei var sjølvforsynte med det meste. Korleis budde folk, kva mat hadde dei og korleis var dei kledd?
Vi besøker nokre av husa i museumstunet og snakkar om korleis det var å bu her. Kva mat dei laga og korleis dei skaffa seg klede og det dei trong ved å nytta lokale ressursar.
Elevane får delta i ulike aktiviteter.
Det kan vera
Matlaging: Male korn til graut, steike stompekaker
Bygning: Lage brakekledning
Klede: Lage tråd – kunnskap om korleis ein lagar tråd og klede, spinning på handtein
Farge med planter – lage farge til garn, eller blekk vi skriv med
Smie: lær å smi spiker
Kan kombinerast med vandring på kulturstien på Gjerstad. Her får ein mellom anna sjå gravminne frå folkevandringstida og restar etter gamle ferdsleårar.
Pedagogisk gjennomføring
Elevane delast i grupper og rullerer på stasjonar gjennom dagen.
Kompetansemål
Samfunnsfag etter 4.trinn:
-
utforske kulturminne og korleis menneska levde i den tida kulturminna er frå, ogsamanlikne med korleis vi lever i dag
Osterøy museum
Bygningane og resten av samlingane på Osterøy museum syner byggeskikk, levevis og tradisjonar på strilelandet. Hos oss kan du lære meir om: Lokal byggeskikk og bygningshandverk Lokal handverk-, industri- og kulturhistorie Tekstil- og drakthistorie og tekstilkunnskap for framtida