Den vanskelege reisa Amerikakoffert eller Europabag – kva tok dei med seg? Å forlate heimlandet sitt, frå svolt, fattigdom, naud eller krig er ei vanskeleg avgjerd, og krev stort mot. Åtte flyktningar, åtte filmar.
I Rådhuset på Prærien på Utvandringssenteret viser vi korte fortellingar/filmar om den vanskelege reisa. Åtte flyktningar frå Syria og Eritrea har laga digitale fortellingar.
Formålet er å vekke refleksjon omkring dagens migrasjon og flyktningar. Fortellingane skapar større forståing for dei som kjem, og opnar for samtaler omkring det å vere flyktning, om kvifor og korleis folk flyktar og bryt opp frå landet sitt. Vi trekk parallellar mellom 18-1900-talet sin utvandring frå Europa og Norge.
Kunnskapsmål både innanfor faga historie, samfunnsfag og geografi er aktuelle, der kulturmøte og flyktningar er tema. Elevane får innsikt i flyktningstraumar, kvifor somme rømmer frå heimlandet sitt, og korleis det kan vere å komme til eit framandt land som flyktning.
Vi tek også for oss kva eit samfunn er, og reflekterer over kvifor menneske søkjer saman i samfunn, bruk av ulike kulturelle symbol og kva vi meiner med omgrepa identitet og kultur.
Pedagogisk gjennomføring
- Introduksjon til utstillinga
- Flyktningkrisa
- Parallellar til den norsk utvandringa
- Kart som viser fluktruter
- Vising av åtte filmar/fortellingar skrive og fortalt av åtte flyktningar frå Eritrea og Syria
- Kvar film vert vist og samtala om ein etter ein
- Sjåast i fellesskap på stor skjerm
- Fire ulike skjermar i tillegg dersom nokon vil sjå ein eller fleire av filmane om igjen
Vestnorsk utvandringssenter
Museum for migrasjon og kulturmøte i fortid og notid. Bli med på omvising i Prærielandsbyen med emigranthusa som er flytta frå USA til Radøy! Faste og skiftande utstillingar.